appledaily
呂 慧 儀 性 感 侍 候 謎 女 王
馮 仁 昭 四 圍 超 ： 秋 官 扮 奇 洛 拗 傷 腰
無 綫 搜 奇 式 節 目 《 謎 》 又 嚟 啦 ！ 今 次 新 一 輯 會 喺 呢 個 禮 拜 五 緊 接 《 掌 故 王 》 推 出 ， 主 持 大 局 嘅 仍 然 係 鄭 少 秋 ， 佢 嘅 身 份 係 特 務 001 （ Adam 鄭 ） ， 謎 女 郎 呂 慧 儀 繼 續 有 得 留 低 ， 至 於 上 集 嘅 王 貽 興 就 被 飛 出 局 ， 換 嚟 飾 演 謎 女 王 嘅 羅 蘭 姐 ， 仲 加 多 個 喬 寶 寶 飾 演 嘅 特 務 線 人 R 㖭 。
羅 蘭 養 紙 板 狗
新 一 輯 嘅 《 謎 》 開 正 秋 官 嗰 瓣 ， 因 為 每 集 都 要 扮 嘢 ， 令 扮 嘢 秋 又 有 機 會 顯 本 領 ； 至 於 謎 女 郎 呂 慧 儀 梗 係 要 性 感 ， 唔 係 咪 浪 費 咗 佢 咁 養 眼 嘅 身 材 ， 所 以 佢 嘅 服 裝 唔 係 低 胸 就 係 露 腿 。 其 中 一 集 喬 寶 寶 就 扮 成 二 撇 雞 蒙 羅 麗 莎 ， 謎 女 王 羅 蘭 姐 就 頭 戴 后 冠 ， 但 最 抵 死 嘅 係 佢 啲 寵 物 狗 仔 全 部 係 紙 製 嘅 。
秋 官 喺 其 中 一 場 戲 度 ， 要 扮 成 電 影 《 22 世 紀 殺 人 網 絡 》 中 奇 洛 李 維 斯 嘅 造 型 ， 仲 要 慢 動 作 拗 腰 。 為 咗 方 便 拗 腰 ， 現 場 放 咗 張 凳 畀 秋 官 頂 住 腰 骨 ， 點 知 秋 官 有 個 無 線 收 音 器 綁 喺 腰 度 ， 佢 一 個 大 拗 腰 就 俾 個 收 音 器 頂 傷 腰 骨 。
秋 官 、 鬥 雞 呂 慧 儀 再 加 上 喬 寶 寶 （ 中 ） 嘅 二 撇 雞 蒙 羅 麗 莎 ， 相 信 必 令 觀 眾 笑 破 肚 皮 。
秋 官 扮 奇 洛 李 維 斯 ， 拗 腰 時 卻 不 慎 整 傷 。
《 謎 》 每 集 都 有 扮 嘢 新 驚 喜 ， 謎 女 王 羅 蘭 姐 抱 住 紙 板 狗 ， 秋 官 着 上 蘇 格 蘭 裙 ， 簡 直 玩 到 癲 。
